- Ἀρχόμενος πρώτως, Μουσῶν χορὸν ἐξ Ἑλικῶνος
- Ἐλθεῖν εἰς ἐμὸν ἠτορ ἐπεύχομαι, ἕινεκʼ ἀοιδῆς·
- Ἣν νέον ἐν δέλτοισιν ἐμοῖς ἐπὶ γούνασι θῆκα,
- Δῆριν ἀπειρεσίην, πολεμόκλονον ἔργον Ἄρηος,
- Ἐυχόμενος μερόπεσσιν ἐς ὄυατα πᾶσι βαλέσθαι·
- Πῶς μῦες ἐν βατράχοισιν ἀριστεύσαντες ἔβησαν,
- Γηγενέων ἀνδρῶν μιμούμενοι ἔργα γιγάντων,
- Ὡς λόγος ἐν θνητοῖσιν ἔην· Τοίην δʼ ἔχον ἀρχήν.
- Μῦς ποτε διψαλέος, γαλέης κίνδυνον ἀλύξας,
- Πλησίον ἐν λίμνῃ πίνων παρέθηκε γένειον,
- Ὕδατι τερπόμενος μελιηδέϊ, τὸν δὲ κατεῖδε
- Αιμνόχαρις πολύφημος, ἔπος δʼ ἐφθέγξατο τοῖον.
- Ξεῖνε, τίς εἶ; πόθεν ἦλθες ἐπʼ ἠ ϊόνα; τίς δὲ σʼ ὁ φῦσας;
- Πάντα δʼ ἀλήθευσον, μὴ ψευδόμενὸν σε νοήσω.
- Ἐι γάρ σε γνόιην φίλον ἄξιον, ἐς δόμον ἄξω,
- Δῶρα δέ τοι δώσω ξεινήϊα πολλὰ, καὶ ἐσθλά.
- Ἐιμὶ δʼ ἐγὼ βασιλεὺς Φυσίγναθος, ὃς κατὰ λίμνην
- Τιμῶμʼ ἐν βατράχοις, ἡγούμενος ἤματα πάντα.
- Καί με πατὴρ Πηλεὺς ἀνεθρέψατο, Ὑδρομεδούσῃ
- Μιχθὲις ἐν φιλότητι παρ ὄχθας Ἥριδανοῖο.
- Καί σε δʼ ὁρῶ καλόν τε καὶ ἄλκιμον, ἔξοχον ἄλλων
- Σκηπτοῦχον βασιλῆα, καὶ ἐν πολέμοισι μαχητὴν
- Ἔμμεναι· ἀλλʼ ἄγε θᾶσσον ἑὴν γενεὴν ἀγόρευε.
- Τὸν δʼ αὖ Ψιχάρπαξ ἡμείβετο, φώνησέν τε·
- Τίπτε γένος τοὐμὸν ζητεῖς, φίλε; δῆλον ἅπασιν
- Ἀνθρώποις τε, θεοῖς τε, καὶ οὐρανίοις πετεηνοῖς·
- Ψιχάρπαξ μὲν ἐγὼ κικλήσκομαι, ἐιμὶ δὲ κοῦρος
- Τρωξάρταο πατρὸς μεγαλήτορος· ἡ δέ νυ μήτηρ
- Λειχομύλη, θυγάτηρ Πτερνοτρώκτου βασιλῆος.
- Τείνατο δʼ ἐν καλύβῃ με, καὶ ἐξεθρέψατο βρωτοῖς
- Σύκοις, και καρύοις, καὶ ἐδέσμασι παντοδαποῖσι.
- Πῶς δὲ φίλον ποιῇ με, τὸν εἰς φύσιν ὀυδὲν ὅμοιον;
- Σοὶ μὲν γὰρ βίος ἐστὶν ἐν ὕδασιν, ἀυτὰρ ἔμοι γε
- Ὅσσα παρʼ ἀνθρώποις τρώγειν ἔθος· ὀυδέ με λήθει
- Ἄρτος τρισκοπάνιστος ἀπʼ ἐυκύκλου κανέοιο,
- Ὄυτε πλακοῦς τανύπεπλος ἔχων πολὺ σησαμότυρον,
- Ὀυ τόμος ἐκ πτέρνης, ὀυχʼ ἥπατα λευκοχίτωνα,
- Ὀυδὲ τυρὸς νεόπηκτος ἀπὸ γλυκεροῖο γάλακτος,
- Ὀυ χρηστὸν μελίτωμα, τὸ καὶ Μάκαρες ποθέουσιν,
- Ὀ δʼ ὅσα πρὸς θοίνην μερόπων τεύχουσι μάγειροι,
- Κοσμοῦντες χύτρας ἀρτύμασι παντοδαποῖσιν.
- Ὀυ τρώγω ῥαφάνας, ὀυ κράμβας, ὀυ κολοκύντας,
- Ὀυδὲ πράσοις χλωροῖς ἐπιβόσκομαι, ὀυδὲ σελίνοις
- ταῦτα γὰρ ὑμέτερʼ ἐστὶν ἐδέσματα τῶν κατὰ λίμνην.
- Ὀυδέποτʼ ἐκ πολέμοιο κακὴν ἀπέφυγον ἀϋτὴν,
- Ἀλλʼ εὐθὺς μετὰ μῶλον ἰὼν προμάχοισιν ἐμίχθην.
- Ἄνθρωπον ὀυ δέδια, καίπερ μέγα σῶμα φοροῦντα,
- Ἀλλʼ ἐπὶ λέκτρον ἰὼν, ἄκρον δάκτυλον καταδάκνω,
- Καὶ πτέρνης λαβόμην, καὶ ὀυ πόνος ἵκανεν ἄνδρα·
- Νήδυμος ὀυκ ἀπέφυγεν ὕπνος, δάκνοντος ἐμεῖο.
- Ἀλλὰ δύω μάλα πάντα τὰ δείδια πᾶσαν ἐπʼ αἶαν,
- Κίρκον καὶ Γαλέην, οἵ μοι μέγα πένθος ἄγουσι,
- Καὶ Παγίδα στονόεσσαν, ὅπου δολοέις πέλε πότμος.
- Πλεῖστον δὴ γαλέην περιδείδια ἥτις ἀρίστη,
- Ἣ καὶ τρωγλοδύνοντα κατὰ τρώγλην ἐρεείνει.
- Πρὸς τάδε μειδήσας Φυσίγναθος ἀντίον ἤυδα·
- Ξεῖνε, λίαν αὐχεῖς ἐπὶ γαστέρι· ἔστι καὶ ἡμῖν
- Πολλὰ μάλʼ ἐν λίμνῃ, καὶ ἐπὶ χθονὶ θαύματʼ ἰδέσθαι.
- Ἀμφίβιον γὰρ ἔδωκε νομὴν βατράχοισι Κρονίων,
- Σκιρτῆσαι κατὰ γαῖαν, καὶ ἐν ὕδασι σῶμα καλύψαι,
- Στοιχείοις διττοῖς μεμερισμένα δώματα ναίειν.
- Εἰ δὲ θέλεις καὶ ταῦτα δαήμεναι, ἐυχερὲς ἐστί.
- Βαῖνέ μοι ἐν νώτοισι· κράτει δέ με, μή ποτ ὄληαι,
- Ὅππως γηθόσυνος τὸν ἐμὸν δόμον ἐισαφίκηαι.
- Ὣς ἂρ ἔφη, καὶ νῶτʼ ἐδίδου, ὁ δʼ ἔβαινε τάχιστα
- Χεῖρας ἔχων τρυφεροῖο κατʼ ἀυχένος ἄλματι κούφῳ.
- Καὶ πρῶτον μὲν ἔχαιρεν, ὅτʼ ἔβλεπε γείτονας ὅρμους,
- Νήξει τερπόμενος Φυσιγνάθου· ἀλλʼ ὅτε δή ῥα
- Κύμασι πορφυρέοισιν ἐκλύζετο, πολλὰ δακρύων
- Ἄχρηστον μετάνοιαν ἐμέμφετο, τίλλε δὲ χαίτας,
- Καὶ πόδας ἔσφιγγεν κατὰ γαστέρος, ἐν δέ οἱ ἦτορ
- Πάλλετʼ ἀηθείῃ, καὶ ἐπὶ χθὸνα βούλεθʼ ἱκέσθαι.
- Δεινὰ δʼ ὑπεστονάχιζε, φόβου κρυόεντος ἀνάγαῃ.
- Ὀυρὴν μὲν πρώτιστον ἐν ὕδασιν, ἠύτε κώπην
- Σύρων, ἐυχόμενός τε θεοῖς ἐπὶ γαῖαν ἱκέσθαι,
- Κύμασι πορφυρέοισιν ἐκλύζετο, πολλὰ δακρύων·
- Καὶ τοῖον φάτο μῦθον, ἀπὸ στόματος δʼ ἀγόρευεν·
- Ὀυχʼ οὕτω νώτοισιν ἐβάσταξε φόρτον ἔρωτος
- Ταῦρος, ὅτʼ Ἐυρώπην διὰ κύματος ἦγʼ ἐπὶ Κρήτην,
- Ὡς νῦν ἁπλώσας ἐπὶ νώτιον ἦγεν ἐς οἶκον
- Βάτραχος, ὑψώσας ὠχρὸν δέμας ὕδατι λυκῷ.
- Ὑδρος δʼ ἐξαίφνης ἀνεφαίνετο, δεινὸν ὅραμα
- Ἀμφοτέροις· ὀρθὸν δʼ ὑπὲρ ὕδατος εἶχε τράχηλον.
- Τοῦτον ἰδὼν κατέδυ Φυσίγναθος, οὔτι νοήσας
- ῟Οιον ἑταῖρον ἔμελλεν ἀπολλύμενον καταλεείπειν,
- Δῦ δὲ βάθος λίμνης, καὶ ἀλεύατο κῆρα μέλαιναν.
- Κεῖνος δʼ ὡς ἀφέθη, πέσεν ὕπτιος ἐυθὺς ἐς ὕδωρ,
- Χεῖρας δʼ ἔσφιγγεν, καὶ ἀπολλύμενος κατέτριζε.
- Πολλάκι μὲν κατέδυνεν ἐφʼ ὕδατι, πολλάκι δʼ ἆυτε
- Λακτίζων ἀνέδυνε, μόρον δʼ οὐκ ἦν ὑπαλύξαι.
- Δευόμεναι δὲ τρίχες πλῖστον βάρος ἦεν ἐπʼ αὐτῷ.
- Ὕδατι δʼ ὀλλύμενος, τοίους ἐφθέγξατο μύθους·
- Οὐ λήσεις γε θεοὺς Φυσίγναθε, ταῦτα ποιήσας,
- Ἐς λίμνην μὲ ῥίψας ἀπὸ σώματος, ὡς ἀπὸ πέτρης.
- Ὀυ γάρ μου κατὰ γαῖαν ἀμείνων ἦσθα, κάκιστε,
- Παγκρατίῳ τε, πάλῃ τε, καὶ εἰς δρόμον, ἀλλʼ ἀπατή-
- Εἰς ὕδωρ μʼ ἔῤῥιψας· ἔχει θεὸς ἔκδικον ὄμμα. (σας
- Ποινὴν, ἀντέκτισιν τʼ ὀρθὴν ὅς κʼ ἀποδώσει·
- Τοῖς τίσουσί σε μυῶν στρατὸς ὀυδʼ ὑπαλύξεις.
- Ὣς ἐιπὼν, ἀπέπνευσεν ἐν ὕδασι· τὸν δὲ κατεῖδε
- Λειχοπίναξ ὄχθῃσιν ἐφεζόμενος μαλακῇσι·
- Δεινὸν δʼ ἐξολόλυξε, δραμὼν δʼ ἤγγειλε μύεσσιν.
- Ὡς δʼ ἔμαθον τὴν μοῖραν, ἔδυ χόλος αἰνὸς ἅπαντας,
- Καὶ τότε κηρύκεσσιν ἑοῖς ἐκέλευσαν ὑπʼ ὄρθον
- Κηρύσσειν ἀγορήνδʼ ἐς δώματα Τρωξάρταο,
- Πατρὸς δυστήνου Ψιχάρπαγος, ὃς κατὰ λίμνην
- Ὕπτιος ἐξήπλωτο νεκρὸν δέμας, οὐδὲ παρ ὄχθας
- Ἦν ἤδη τλήμων, μέσσῳ δʼ ἐπενήχετο πόντῳ.
- Ὡς δʼ ἦλθον σπεύδοντες ἅμʼ ἠοῖ, πρῶτος ἀνέστη
- Τρωξάρτης ἐπὶ παιδὶ χολούμενος, εἶπέ τε μῦθον.
- Ὦ φίλοι, εἰ καὶ μοῦνος ἐγὼ κακὰ πολλὰ πέπονθα
- Ἐκ βατράχων, ἀλλʼ ἡ πεῖρα πάντεσσι τέτυκται.
- Εἰμὶ δὲ νῦν ἐλεεινὸς, ἐπεὶ τρεῖς παῖδας ὄλεσσα·
- Καὶ τὸν πρῶτον μέν ῥα κατέκτανεν ἁρπάξασα
- Ἐχθίστη γαλέη, τρώγλης ἔκτοσθε λαβοῦσα
- Τὸν δʼ ἄλλον πάλιν ἄνδρες ἀπηνέες εἰς μόρον ἦξαν,
- Καινοτέραις τέχναις, ξύλινον δόλον ἐξευρόντες,
- Ἣν Παγίδα καλέουσι, μυῶν ὀλέτειραν ἐοῦσαν·
- Ὁ τρίτος δʼ ἦν ἀγαπητὸς ἐμὸι καὶ μητέρι κεδνῇ,
- Τοῦτον ἀπέπνιξεν βάτραχος κακὸς ἐς βυθὸν ἄξας.
- Ἀλλʼ ἄγεθʼ ὁπλισώμεσθα, καὶ ἐξέλθωμεν ἐπ αὐτοὺς,
- Σώματα κοσμήσαντες ἐν ἔντεσι δαιδαλέοισι.
- Ταῦτʼ εἰπὼν, ἀνέπεισε καθοπλίζεσθαι ἄπαντας.
- Κνημῖδας μὲν πρῶτα περὶ κνημῇσιν ἔθηκαν,
- Ῥήξαντες κυάμους χλωροὺς εὖ δʼ ἀσκήσαντες,
- Οὓς ἀυτοὶ διὰ νυκτὸς ἐπιστάντες κατέτρωξαν.
- Ἀσπὶς δʼ ἦν λύχνου τὸ μεσόμφαλον· ἡ δέ νὺ λόγχη,
- Ἐυμήκεις βελόναι, παγχάλκεον ἔργον Ἄρηος·
- Ἡ δὲ κόρυς, τὸ λέπυρον ἐπὶ κροτάφοισι καρύου.
- Θώρηκας δʼ εἶχον καλαμοστεφέων ἀπὸ βύρσων,
- Οὓς, γαλέην δείραντες, ἐπισταμένως ἐποίησαν.
- Οὕτω μὲν μῦες ἦσαν ἔνοπλοι· ὡς δʼ ἐνόησαν
- Βάτραχοι, ἐξανέδυσαν ἀφʼ ὕδατος, ἐις δʼ ἕνα χῶρον
- Ἐλθόντες, βουλὴν ξύναγον πολέμοιο κακοῖο.
- Σκεπτομένων δʼ ἀυτῶν πόθεν ἡ στάσις, ἢ τίς ὁ θρῦλλος,
- Κῆρυξ ἐγγύθεν ἦλθε, φέρων ῥάβδον μετὰ χερσὶ,
- Τυρογλύφου ὑιὸς μεγαλήτορος Ἐμβασίχυτρος,
- Ἀγγέλλων πολέμοιο κακὴν φάτιν· εἶπέ τε μῦθον.
- Βάτραχοι, μῦες ὔμμιν ἀπειλήσαντες ἔπεμψαν
- Εἰπεῖν, ὁπλίζεσθαι ἐπὶ πόλεμόν τε μάχην τε.
- Εἶδον γὰρ καθʼ ὕδωρ πιχάρπαγα ὃν κατέπεφνεν
- Ὑμέτερος βασιλεὺς Φυσίγναθος. ἀλλὰ μάχεσθε,
- Οἵτινες ἐν βατράχοισιν ἀριστῆες γεγάατε.
- Ὣς εἰπὼν ἀπέφῃνε· λόγος δʼ εἰς οὔατα πάντων
- Εἰσελθὼν, ἐτάραξε φρένας βατράχων ἀγερώχων.
- Μεμφομένων δʼ ἀυτῶν Φυσίγναθος εἶπεν ἀναστάς·
- Ὦ φίλοι, οὐκ ἔκτεινον ἐγὼ μῦν, ὀυδὲ κατεῖδον
- Ὀλλύμενον, πάντως ἐπνίγη παίζων παρὰ λίμνην,
- Νήξεις τὰς βατράχων μιμούμενος· οἱ δὲ κάκιστοι
- Νῦν ἐμὲ μέμφονται τὸν ἀναίτιον. Ἀλλʼ ἄγε βουλὴν
- Ζητήσωμεν, ὅπως δολίους μῦας ἐξολέσωμεν.
- Τοιγὰρ ἐγὼν ἐρέω ὥς μοι δοκεῖ εἶναι ἄριστα·
- Σώματα κοσμήσαντες ἔνοπλοι στῶμεν ἅπαντες
- Ἄκροις παρὰ χείλεσσιν, ὅπου κατάκρημνος ὁ χῶρος·
- Ἡνίκα δʼ ὁρμηθέντες ἐφ ἡμέας ἐξέλθωσι,
- Δραξάμενοι κορύθων, ὅστις σχεδὸν ἀντίον ἔλθοι,
- Εἰς λίμνην αὐτοὺς σὺν ἔντεσιν εὐθὺ βάλωμεν.
- Ὅυτω γὰρ πνίξαντες ἐν ὕδασι τοὺς ἀκολύμβους,
- Στήσομεν ἐυθύμως τὸ μυοκτόνον ὧδε τρόπαιον.
- Ὣς εἰπὼν συνέπεισε καθοπλίζεσθαι ἅπαντας.
- Φύλλοις μὲν μαλάχων κνήμας ἑὰς ἀμφεκάλυψαν,
- Θώρακας δʼ εἶχον χλοερῶν πλατέων ἀπὸ σεύτλων,
- Φύλλα δὲ τῶν κράμβων εἰς ἀσπίδας ἐ͂υ ἤσκησαν,
- Ἔγχος δʼ ὀξύσχοινος ἑκάστῳ μακρὸς ἀρήρει,
- Καί ῥα κοχλιῶν λεπτῶν ἐκάλυπτε κάρηνα.
- Φράξαμενοι δʼ ἔστησαν ἐπʼ ὄχθαις ὑψηλῇσι,
- Σείοντες λόγχας· θυμοῦ δʼ ἔπλητο ἔκαστος.
- Ζεὺς δὲ θεοὺς καλέσας εἰς ὀυρανὸν ἀστεροέντα,
- Καὶ πολέμου πληθὺν δείξας, κρατερούς τε μαχητὰς
- Πολλοὺς καὶ μεγάλους, ἤγʼ ἔγχεα μακρὰ φέροντας·
- Ὡς βατράχων στρατὸς εὖτʼ ἐγέμοντο γιγάντων·
- Κενταύρων μεγαλαύχων μῦες δʼ ἦσαν ὅμοιοι·
- Ὁ͂ιος κενταύρων στρατὸς ἔρχεται ἠδὲ γιγάντων·
- Ἡδὺ γελῶν ἐρέεινε τίνες βατράχοισιν ἀρωγὸι,
- Ἢ μυσι τειρομένοις, καὶ Ἀθηναίην προσέειπεν.
- Ὦ θύγατερ, μυσὶν ἄρα βοηθήσουσα πορεύσῃ;
- Καὶ γάρ σου κατὰ νηὸν ἀεὶ σκιρτῶσιν ἅπαντες,
- Κνίσσῃ τερπόμενοι, καὶ ἐδέσμασι παντοδαποῖσι.
- Ὣς ἂρ ἔφη Κρονίδης. τὸν δὲ προσέειπεν Ἀθήνη·
- Ὦ πάτερ· οὐκ ἂν πώποτʼ ἐγὼ μυσὶ τειρομένοισιν
- Ἐλθοίμην ἐπαρωγὸς, ἐπεὶ κακὰ πολλὰ μʼ ἔοργαν,
- Στεμματα βλάπτοντες καὶ λύχνους εἴνεκʼ ἐλαίου.
- Τοῦτο δέ μοι λίην ἔδακε φρένας· οἷα μʼ ἔρεξαν·
- Πέπλον μου κατέτρωξαν ὃν ἐξύφῃνα καμοῦσα
- Ἐκ ῥοδάνης λεπτῆς, καὶ στήμονα λεπτὸν ἔνησα,
- Καὶ τρώγλας ἐτέλεσαν· ὁ δʼ ἠπητής μοι ἐπέστη,
- Καὶ πολύ με πράσσει, τούτου χάριν ἐξώργισμαι.
- Χρησαμένη γὰρ ἔνησα, καὶ οὐκ ἔχω ἀνταποδοῦναι,
- Καὶ πράσσει με τόκον, τόγʼ ἐρίπονον ἀθανάτοισιν.
- Ἀλλʼ ὀυδʼ ὣς βατράχοισιν ἀρηγέμεναι βουλήσω,
- Ἐισὶ γὰρ οὐδʼ αὐτὸι φρένας ἔμπεδοι, ἀλλά με πρώην
- Ἐκ πολέμου ἀνιοῦσαν, ἐπεὶ λίην ἐκοπώθην,
- Ὕπνου δευομένην, ὀυκ εἴασσαν θορυβοῦντες
- Οὐδʼ ὀλίγον καταμῦσαι· ἐγὼ δʼ ἄϋπνος κατεκείμην,
- Τὴν κεφαλὴν ἀλγοῦσα, ἕως ἐβόησεν ἀλέκτωρ.
- Ἀλλʼ ἄγε παυσώμεσθα, θεοὶ, τούτοισιν ἀρήγειν,
- Μή κέ τις ἡμείων τρωθῇ βέλει ὀξυόεντι·
- Μή τις καὶ λόγχῃ τυπῇ δέμας ἠὲ μαχαίρᾳ·
- Εἰσὶ γὰρ ἀγχέμαχοι, καὶ εἰ θεὸς ἀντίον ἔλθοι·
- Πάντες δʼ ὀυρανόθεν τερπώμεθα δῆριν ὁρῶντες.
- Ὣς ἂρ ἔφη· τῇ δʼ αὖτε πεπείθοντο θεοὶ ἄλλοι
- Πάντες, ὁμῶς δὲ ἀολλέες ἤλυθον ἐς ἕνα χῶρον.
- Κὰδδʼ ἧλθον κήρυκε τέρας πολέμοιο φέροντε.
- Καὶ τότε κώνωπες μεγάλας σάλπιγγας ἔχοντες
- Δεινὸν ἐσάλπιζον πολέμου κτύπον· ὀυρανόθεν δὲ
- Ζεὺς κρονίδης βρόντησε τέρας πολέμοιο κακοῖο.
- Πρῶτος δʼ Ὑψιβόας Λειχήνορα ὅυτασε δουρὶ,
- Ἑσταότʼ ἐν προμάχοις κατὰ γαστέρα εἰς μέσον ἧπαρ
- Κὰδδʼ ἔπεσεν πρηνὴς, ἁπαλὰς δʼ ἐκόνισσεν ἐθείρας·
- Τρωγλοδύτης δὲ μετʼ αὐτὸν ἀκόντισε Πηλείωνα
- Πῆξεν δὲ ἐν στέρνῳ στιβαρὸν δόρυ, τὸν δὲ πεσόντα
- Ἕιλε μέλας θάνατος, ψυχὴ δʼ ἐκ σώματος ἔπτη.
- Σευτλαῖος δʼ ἂρ ἔπεφνε βαλὼν κέαρ Ἐμβασίχυτρον·
- Ἀρτοφάγος δὲ Πολύφωνον κατὰ γαστέρα τύψεν.
- Ἤριπε δὲ πρηνὴς, ψυχὴ δὲ μελέων ἐξέπτη.
- Λιμνόχαρις δʼ ὡς εἶδεν ἀπολλύμενον Πολύφωνον,
- Τρωγλοδύτην ἁπαλοῖο διʼ ἀυχένος τρῶσεν ἐπιστὰς
- Πέτρῳ μυλοειδέϊ, τὸν δὲ σκότος ὄσσʼ ἐκάλυψε.
- Τρωγλωδύτης δʼ ἂρ ἔπεφνε Βρεκαικίστα ἐσθλὸν ἀΐξας,
- Ὠκιμίδην δʼ ἄχος εἷλε, καὶ ἤλασεν ὀξέι σχοίνῳ,
- Ἀλλʼ ὁ μὲν ἔσπασεν ἔγχος, ἐφώρμησαν δὲ ἐπʼ ἀυτῷ.
- Ὀυ δʼ αὖ ἧκεν ὅ γʼ ἔγχος ἐναντίον, ἤριπε δʼ ἐυθὺς·
- Λειχήνωρ δʼ ἄρα Κωστοφάγοιο τιτύσκετο δουρὶ.
- Ὁ͂υτος δʼ ὡς ἐνόησεν φεύγων ἔμπεσεν ὄχθαις,
- Ἀλλʼ ὀυδʼ ὣς ἀπέληγεν, ἐν ὕδασι δʼ ἤλασεν ἀυτὸν·
- Κάππεσε δʼ, ὀυδʼ ἀνένευσεν· ἐβάπτετο δʼ αἵματι λίμνη
- Πορφυρέῳ, ἀυτὸς δὲ παρʼ ἤϊον ἐξετανύσθη,
- Χορδαῖσι λιπαραῖσιν ἐπορνύμενος λαγόνεσσι.
- Τυρογλύφον δʼ ἐπʼ ὄχθαις Λιμνήσιος ἐξενάριξε.
- Πτερνογλύφον δὲ ἰδὼν Καλαμίνθιος εἰς βάθος ἦλθε,
- Ἥλατο δʼ ἐς λίμνην φεύγων, τὴν ἀσπίδα ῥίψας.
- Φιτραῖον δʼ ἂρ ἔπεφνεν ἀπύμων Ἐμβασίχυτρος.
- Ὑδρόχαρις δʼ ἔπεφνε πτερνοφάγον βασιλῆα.
- Χερμαδίῳ πλήξας κατὰ βρέγματος· ἐγκέφαλος δὲ,
- Ἐκ ῥινῶν ἔσταζε, παλάσσετο δʼ αἵματι γαῖα.
- Λειχοπίναξ δʼ ἔκτεινεν ἀμύμονα Βορβορκοίτην,
- Ἔγχει ἐπαίξας· τὸν δὲ σκότος ὄσσʼ ἐκάλυψε.
- Πρασσοφάγος δʼ ἐσιδὼν, ποδὸς εἵλκυσε νεκρὸν ἐόντα
- Ἐν λίμνῃ δʼ ἀπέθηκε, κρατήσας χειρὶ τένοντα.
- Ψιχάρπαξ δʼ ἤμυνʼ ἑτάρων περὶ τεθνειώτων,
- Καὶ βάλε Πρασσοφάγον, μήπω γαίης ἐπιβάντα,
- Πίπτε δέ οἱ πρόσθεν· ψυχὴ δʼ Ἄϊδός δε βεβήκει·
- Πηλοβάτης δʼ ἐσιδὼν, πηλοῦ δράκα ῥίψεν ἐπʼ αὐτῷ,
- Καὶ τὸ μέτωπον ἔχρισε, καὶ ἐξετύφλου παρὰ μικρὸν.
- Ὠργίθη δʼ ἂρ ἐκεῖνος, ἑλὼν δέ γε χειρὶ παχείῃ
- Κείμενον ἐν γαίῃ λίθον ὄβριμον, ἀχθος ἀρούρης,
- Τῶ βάλε Πηλοβάτην ὑπὸ γούνατα, πᾶσα δʼ ἐκλάσθη
- Κνήμη δεξιτερὴ, πέσε δʼ ὕπτιος ἐν κονίῃσι.
- Κραυγασίδης δʼ ἤμυνε, καὶ οὕτω βαῖνεν ἐπʼ αὐτῷ·
- Τύψε μέσην δʼ ἀυτὸν κατὰ γαστέρα, πᾶς δέ οἱ εἴσω
- Ὀξύσχοινος δῦνε· χαμαὶ δʼ ἔχυντο ἅπαντα
- Ἔγκατʼ ἐφελκομενῷ ὑπὸ δούρατι χειρὶ παχείῃ·
- Σιτοφάγος δʼ ὡς εἶδεν ἐπʼ ὄχθῃσιν ποταμοῖο,
- Σκάζων ἐκ πολέμου ἀνεχάζετο, τείρετο δʼ αἰνῶς·
- Ἥλατο δʼ ἐς τάφρον, ὅππως φύγῃ ἀιπὺν ὄλεθρον.
- Τρωξάρτης δʼ ἔβαλεν Φυσίγναθον ἐς πόδα ἄκρον·
- Ἔσχατος δʼ ἐκ λίμνης ἀνεδύσατο, τείρετο δʼ αἰνῶς.
- Πρασσαῖος δʼ ὡς εἶδεν ἔθʼ ἡμίπνουν προπεσόντα,
- Ἦλθε δια προμάχων, καὶ ἀκόντισεν ὀξέϊ σχοίνῳ·
- Ὀυδʼ ἔῤῥηξε σάκος, σχέτο δʼ ἀυτοῦ δουρὸς ἀκωκὴ.
- Τοῦ δʼ ἔβαλε τρυφάλειαν ἀμύμονα, καὶ τετράχυτρον
- Δῖος Ὀρηγανίων μιμούμενος ἀυτὸν Ἄρηα,
- Ὃς μόνος ἐν βατράχοισιν ἀρίστευεν καθʼ ὅμιλον.
- Ὥρμησαν δʼ ἂρ ἐπʼ ἀυτὸν· ὁ δʼ ὡς ἴδεν ὀυχ ὑπέμεινεν
- Ἥρωας κραταιοὺς, ἀλλʼ ἔδυ βένθεα λίμνης.
- Ἦν δέ τις ἐν μύεσσι νέος παῖς ἔξοχος ἄλλων,
- Ἀγχέμαχος, φίλος ὑιὸς ἀμύμονος Ἀρτεπιβούλου,
- Μεριδάρπαξ ὄρχαμος ἀινῷ ἶσος Ἄρηϊ.
- Ὅς ρα ἰὼν πολέμοιο μετασχεῖν παῖδʼ ἐκέλευσεν.
- Ἀυτὸς δʼ ἑστήκει μεγαλοφρονέων κατὰ λίμνην.
- Οὗτος ἀναρπάξαι βατράχων γένος ἐπηπείλει
- Καὶ ῥήξας καρύου μέσσην ῥάχην ἐις δύο μέρη
- Φράγδην ἀμφοτέροισιν ἐν ὤμοισι χερσὶν ἔθηκε.
- Οἱ δε τάχος δείσαντες ἔβαν πάντες κατὰ λίμνην,
- Καί νή κενʼ ἐξετέλεσσεν, ἐπὲι μέγα οἱ σθένος ἦεν,
- Εἰ μὴ ἂρ ὀξὺ νόησε πατὴρ ἀνδρῶν τε θεῶν τε,
- Καὶ τότʼ ἀπολλυμένους βατράχους ᾤκτειρε Κρονίων·
- Κινήσας δὲ κάρη, τοίην δʼ ἐφθέγξατο φωνήν.
- Ὦ πόποι, ἦ μέγα ἔργον ἐν ὀφθαλμοῖσιν ὁρῶμαι,
- Οὐ μικρὸν μʼ ἔπληξε Μεριδάρπαξ, ὃς κατὰ λίμνην
- Ἐνναίρειν βατράχους βλεμεαίνων· ἀλλὰ τάχιστα
- Παλλάδα πέμψωμεν πολεμόκλονον, ἠδὲ καὶ Ἄρηα,
- Οἵ μιν ἀποσχέσουσι μάχης κρατερόν περ ἐόντα.
- Ὣς ἂρ ἔφη Κρονίδης· Ἄρης δʼ ἀπαμέιβετο μύθῳ.
- Ὄυτʼ ἂρ Ἀθηναίης, Κρονίδη, σθένος. οὔτε Ἄρηος
- Ἰσχύσει βατράχοισιν ἀρηγέμεν αἰπὺν ὄλεθρον.
- Ἀλλʼ ἄγε πάντες ἴωμεν ἀρηγόνες, ἢ τὸ σὸν ὅπλον
- Κινείσθω, οὕτω γὰρ ἁλώσεται ὅς κεν ἄριστος·
- Ὡς Τιτᾶνάς ποτε πέφνες ἀρίστους ἔξοχα πάντων,
- Ὥς ποτε κατὰ νῆα κατέκτανες ὄβριμον ἄνδρα,
- Καὶ Κελάδοντʼ ἐπέδησας ἰδʼ ἄγρια φῦλα γιγάντων
- Ὣς ἂρ ἔφη· Κρονίδης δʼ ἔβάλε ψολόεντα κεραυνὸν.
- Πρῶτα μὲν ἐβρόντησε, μέγαν δʼ ἐλήλιξεν Ὄλυμτον,
- Ἁυτὰρ ἔπειτα κεραυνὸν, δειμαλέον Διὸς ὅπλον
- Ἧκʼ ἐπιδινήσας, ὁ δʼ ἂρ ἔπτατονχειρὸς ἄνακτος.
- Πάντας μὲν ῥʼ ἐφόβησε βαλὼν βατράχους τε μῦάς τε.
- Ἀλλʼ ὀυδʼ ὡς ἀπέληγε μυῶν στρατὸς, ἀλλʼ ἔτι μᾶλλον
- Ἔλπετο πορθήσειν βατράχων γένος ἀιχμητάων,
- Ἐι μὴ ἀπʼ Ὀυλύμπου βατράχους ἐλέησε Κρονίων,
- Ὅς τις τιρομένοισιν ἀρωγοὺς αὐτὸς ἔπεμψεν·
- Ἦλθον δʼ ἐξαίφνης Νωτάκμονες, Ἀγκυλοχῆλαε,
- Λοξοβᾶται, Στρεβλοὶ, παλιδόστομοι, Ὀστρακόδερμοι,
- Ὀστοφυεῖς, Πλατύνωτοι, ἀποστίλβοντες ἐν ὤμοις,
- Βλαισσὸι, Χειροτένοντες, ἀπὸ στέρνων ἐσορῶντες,
- Ὀκτάποδες, Δικάρηνες, Ἀχειρέες, οἱ δὲ καλεῦνται
- Καρκῖνοι. οἵ ῥα μυῶν ὀυρὰς στομάτεσσιν ἔκοπτον,
- Ἠδὲ πόδας καὶ χεῖρας, ἀνεγνάμπτοντο δὲ λόγχαι
- Τοὺς δʼ ὑπέδδεισαν μῦες ἅπαντες, ὀυδʼ ἐτʼ ἔμειναν
- Ἐς δὲ φυγὴν ἐτράποντο. ἐδύετο δʼ ἥλιος ἤδη,
- Καὶ πολέμου τελετὴ μονοήμερος ἐξετελέσθη.